Një ngjarje e rëndë është shënuar mëngjesin e sotëm në kryeqytet, teksa një 14-vjeçar është gjetur i pajetë në liqenin e Farkës.
Sipas policisë, trupi i pajetë i të miturit është gjetur mëngjesin e sotëm, rreth orës 06:35. Dyshohet se i mituri është mbytur në liqen.
Njoftimi i policisë:
Më datë 05.09.2020, rreth orës 06:35, tek Liqeni i Farkës, është gjetur pa shenja jete shtetasi i mitur me iniciale A.R., 14 vjeç, i cili dyshohet se është mbytur në liqen.
Punohet për zbardhjen e plotë të rrethanave të ngjarjes.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
