Gjendet i gjallë gazetari serb, reagon Vuçiç

Presidenti i Serbisë, Aleksandar Vuçiç, ka qenë ai që ka njoftuar në një konferencë të jashtëzakonshme për media, se gazetari serb, Stefan Cvetkoviç është gjetur i gjallë.
“Atij nuk i mungon asnjë fije floku”, tha Vuçiç për gazetarët në Beograd, dhe shtoi se Cvetkoviç është në duart e policisë, ku të merret në pyetje.
Zhdukja e Cvetkoviçit është raportuar më 13 qershor, pasi vetura e tij është gjetur e braktisur në qytetin Bela Crkva, rreth 100 kilometra në lindje të Beogradit.
Cvetkoviç është ankuar vazhdimisht se ka marrë kërcënime me vdekje, derisa më 2008 ai është rrahur nga sulmues të panjohur.
Në periudhën e fundit ai ka pas nisur hetimet për vrasjen e politikanit serb në Mitrovicën e Veriut, Oliver Ivanoviç.