Një 85-vjeçare nga qyteti i Gjirokastrës është gjetur pa shenja jete në banesën e saj.
Sipas policisë, kanë qenë fqinjët ata të cilët e kanë gjetur trupin e viktimës dhe më pas e kanë raportuar.
Policia bën me dije se rreth orës 16:10, janë njoftuar se në lagjen Palorto, Gjirokastër, shtetasja S.Zh. rreth 85 vjeçe, është gjetur e pajetë në banesë nga komshinjtë e saj.
Mësohet se e moshuara jetonte vetëm, ndërsa nga vëzhgimi paraprak i kufomës nuk konstatohen shenja dhune përveç një shenje të shkaktuar si shkak i rrëzimit nga tensioni.
Grupi hetimor ndodhet në vendngjarje dhe po punon për zbardhjen e plotë të ngjarjes.
