Adoleshentja shqiptare e zhdukur në Irlandë prej 7 ditësh, është gjetur në gjendje të mirë shëndetësore. Lajmi bëhet i ditur nga mediat irlandeze. Pas kërkimeve 1-javore, Olta Dodaj u gjet e sigurt.
17-vjeçarja ishte zhdukur nga banesa e saj në Newbrigde më 11 Prill. Që prej asaj dite, policia nisi menjëherë kërkimet. Edhe komuniteti shqiptar në Irlandë u angazhua për të ndihmuar autoritetet me informacione të dobishme që mund të çonin në gjetjen e adoleshentes.
Tashmë ajo është dërguar e sigurt në shtëpi dhe në gjendje të mirë shëndetësore. Familja e shqiptares ka falenderuar të gjithë që ndihmuan për gjetjen e vajzës. Të tjera informacione nuk janë bërë me dije.
