Një familje shqiptare së cilës i është refuzuar kërkesa për azil, nuk ka marrë ende një zgjidhje për situatën në të cilën ndodhet, edhe pse ka bërë kërkesë tek departamenti i emigracionit.
Aleks Jaku, gruaja e tij Flora, djali Lionel, 8 vjeç dhe vajza e tyre Aurora, 5-vjeç, arritën në Francë në shtator të vitit 2016. Që atëherë, familja ka qëndruan në Francë falë ardhjes në jetë të vajzës së tyre të dytë të quajtur, Arjiola e cila është vetëm 1-vjeç e gjysmë.
Duke u larguar nga qyteti i Shkodrës në Shqipërinë e Veriut, ku jeta e tyre ishte në rrezik, ata shkuan në Francë me synimin për të gjetur një punë si dhe bënë kërkesë për azil politik.
Gjatë hetimit të rastit të tyre, ata jetonin për më shumë se një vit në Shën Jean d’Angely, në një qendër pritjesh për azilkërkuesit (Cada). Për shkak të mungesës dhe provave të mjaftueshme, kërkesa e tyre u refuzua dhe familja Jaku duhej të largohej nga Cada. Lionel nuk është më në shkollë, ndërsa ai është i integruar mjaft mirë në Francë.
Megjithatë, kundër familjes shqiptare nuk është lëshuar urdhri për dëbim. Ajo gjeti mbështetjen e shumë familjeve, sidomos është vlerësuar për angazhimin e prindërve në edukimin shembullor të fëmijëve të tyre.
Por, tashmë pesë anëtarët e familjes Jaku kanë qëndruan në dhomat e qendrave të dëbimit. Atyre u ishte thënë që të enjten do t’i dërgonin në stacionin e autobusëve të Saintes. Ata po shpresonin që ta kalonin natën në Rochefort, por kishin mësuar se nuk kishte vende të lira.
“Nuk e dimë se ku do të flemë sonte. Kurrë nuk kemi fjetur jashtë”, psherëtiu Aleks.
Burimi: sudouest.fr
Përshtati: Tirana Today
