Sekretari për marrëdhëniet me jashtë të Partisë Demokratike Gert Bogdani ishte i ftuar mbrëmjen e sotme në studion e lajmeve në “Ora News” prej ku foli për planin e opozitës pas zgjedhjeve të 30 Qershorit. Ai theksoi se PD-ja do vazhdojë betejën e saj për lirinë e shqiptarëve dhe jo për pushtet.
“PD-ja do vazhdojë betejën e saj. Format do jenë nga më të ndryshmet. Ka njerëz që mendojnë që veprimet nuk ishin aq radikale. Për mendimin tim dita e diel ishte dita më e mirë për PD-në. Mund të mbanim 1, 2,3, 4 bastionet tona, por do të ishte lëmoshë e zotit Rama, por një fjalë del që PD la bashkitë, përmendin fjalën pushtet. Por kjo betejë është që ne të sjellim lirinë në Shqipëri dhe jo të jemi në pushtet”, tha Bogdani.
