I riu nga Maqedonia, i identifikuar si Met Xheladini, ka kërcënuar moderatoren e emisionit “Pa Gjurmë” në Report Tv, se nëse nuk do të fshihen deklaratat e tij, do të shkojë në polici. Dy ditë më parë, ai bëri një deklaratë për emisionin, kur tha se kishte pasur kontakte me Bleona Matën.
Në një mesazh të mbërritur në numrin personal të moderatores së emisionit, Odeta Dume, i riu nga Maqedonia kërcënon edhe me armë, duke dëshmuar se ai nuk ka frikë nga asgjë.
“Brenda 24 orëve këto biseda do të fshihen. S’keni turp, sa probleme më keni sjellë në familje. Dijeni që për këtë akuzë do ju dërgojnë në prokurori e gjykatë dhe do më dëmshpërbleni.
Të fshihen brenda 24 orëve dhe të më kërkoni publikisht falje”, shkruan Xheladini në mesazhin e mbërritur në adresë të moderatores së emisionit.
Referuar kësaj çështje, moderatorja dhe emisioni “Pa gjurmë” ka bërë kallëzim në polici.
Kujtojmë këtu se një ditë më parë, ai tha se kishte gënjyer, pasi kishte pasur nevojë për para që të blinte drogë.
Dëshmia tronditëse/ “Dua 300 euro t’ju them ku është Bleona Mata”, pendohet Meti
