Deputeti i Partisë Demokratike, Gazment Bardhi, është paraqitur paraditen e të premtes në ambientet e Prokurorisë së Posaçme SPAK.
Mësohet se Bardhi është thirrur nga SPAK në cilësinë e tij si kallëzues i aferës së inceneratorëve në emër të Partisë Demokratike.
Burimet thanë se Bardhi është thirrur nga prokurorët, për të dhënë sqarime si person që ka dijeni për rrethanat e çështjes.
Pas dëshmisë, pritet që Bardhi të flasë për median në lidhje me deklaratat e tij.
Një ditë më parë, SPAK thirri ish-kryetaren e Lëvizjes Socialiste për Integrim, Monika Kryemadhi. Kryemadhi u mor në pyetje për dy orë për të njëjtën çështje.
