Një oficer policie i ka përcjellë disa informacione ish-kryeministrit Berisha, lidhur me ngjarjen e një dite më parë, ku gazetarja Mira Kazhani ka përplasur një këmbësor në autostradën Tiranë-Durrës. Sipas denoncimit që publikon Berisha, ngjarja është tentuar të mbulohet, ndërsa personin e aksidentuar e kanë raportuar si të plagosur lehtë.
Sipas oficerit, ai është në gjendje kritike për jetën në Spitalin Ushtarak, dhe se për gazetaren ka ndërhyrë Veliaj dhe shefat e mëdhenj të policisë.
“Telefonata të rëndësishme janë bërë edhe nga Kryeministria. Shoqja e ngushtë e Mira Kazhanit, është një nga gratë që preferon aktualisht Edi Rama, i cili i ka besuar një rubrikë në ERTV”, shprehet ai.
Po kështu, oficeri i policisë bën me dije se i plagosuri ndodhet në koma, me frymëmarrje artificiale, pasi ka pësuar goditje të rëndë në kokë, goditje të fortë në kraharor dhe ka çarje të mushkërisë.
