Një ditë pasi mediat raportuan të vdekur gazetarin rus Arkady Babchenko, sot ai shfaqjet në një konferencë shtypi në televizionin ukrainas dhe u kërkoi falje njerëzve. Mediat dje raportuan se Babchenko është vrarë në banesën e tij në Kiev.
Kreu i Shërbimit të Sigurisë të Ukrainës tha se gazetari rus dhe kritiku i Kremlinit, Arkady Babchenko, është ende gjallë, një ditë pasi autoritetet ukrainase njoftuan se ai është vrarë nga një person i armatosur në apartamentin e tij në Kiev.
Kreu i Shërbimit të Sigurisë të Ukrainës tha se kishte ishte informacion rreth një planifikimi për vrasjen e gazetarit dhe është vepruar për të prishur komplotin.
“Dua të falenderoj familjen e tij dhe të gjithë ne dhe të përgëzoj Babchenko për ditëlindjen e tij të tretë”, tha Sergej Gritsak, kreu i Shërbimit të Sigurisë së Ukrainës, në një postim në rrjetet sociale.
Babchenko po ashtu u shfaq në një konferencë shtypi në televizionin ukrainas të mërkurën dhe u kërkoi falje njerëzve.
Gazetari sqaroi se raportet fiktive për vdekjen e tij ishin pjesë e një operacioni që ishte përgatitur për dy muaj. Babchenko falënderoi Shërbimin e Sigurisë të Ukrainës për shpëtimin e jetës së tij.
Policia e Kievit dhe zyrtarët e Ministrisë së Brendshme të Ukrainës thanë të martën se Babchenko është vrarë në një auto-ambulancë, në rrugën për në spital, pasi u qëllua në shpinë jashtë banesës së tij në Kiev.
