Gazetari Flamur Vezaj, ka komentuar sjelljen e shefes se Prokurorisë për Krime të Rënda, Donika Prela, pas kërkesës për masë disiplinore ndaj prokurorit Tominaj, dhe vlerësimit për dosjet qe ai ka hetuar.
Me anë të një statusi në rrjetin social Facebook, gazetari lëshon një deklaratë të fortë, ku thotë se drejtuesit e bandës kriminale ‘Bajret’ flasin e shkëmbejnë mesazhe me ministra të qeverisë, deputetë, drejtorë e shefa të komisariateve të policisë.
Lista nuk ndalet me kaq, por edhe me biznesmenë të njohur në fushën e ndërtimeve e hotelerisë, disa presidenta të klubeve të futbollit (superiores), drejtor të klubeve, menaxher të futbollistëve, trajnerë, arbitra, duke mos harruar edhe kriminelë.
