Gazetari gjerman Peter Tiede i cili pak ditë më parë tronditi mbarë opinionin publik dhe politikën shqiptare me 16 video-përgjimet e publikuara, ditën e sotme ka reaguar lidhur me përplasjet mes militantëve të PD-së dhe forcave të policisë në vend.
Ai ka tronditur sërish, duke e krahasuar qeverisjen e kryeministrit Rama me atë të Vladimir Putin dhe Rexhep Taip Erdogan.
“Shqipëria tani nën ligjin e Putinit dhe Erdoganit: Arrestimi i udhëheqësve të opozitës u urdhërua nga qeveria socialiste. Në mbarë vendin ka trazira dhe sulme. Në të dy anët të plagosur. Kjo nuk është e mirë”, ka shkruar ai në një status në rrjetin social Facebook, teksa ka publikuar gjithashtu një lajm lidhur me përplasjet e ashpra që u shënuan sot në disa qarqe.
