Gazetari i BILD, Peter Tiede, ka reaguar lidhur me faktin se Edi Rama mund të negociojë krizën politike në Bjellorusi si kryesues i OSBE-së.
Përmes një postimi në Facebook, Tiede shkruan se është totalisht e pabesueshme që Rama dëshiron të negociojë në krizën bjelloruse, ku përballë të ketë Lukashenkon.
“Pa shaka: Edi Rama tentoi të nisë negociata me Lukashenkom dje. Për OSBE-në. E pabesueshme”, shkruan ai.
Kujtojmë se Peter Tiede ishte gazetari që nxori në BILD përgjimet e dosjeve 184 dhe 339 për manipulimin dhe vjedhjen e votave në Durrës e Dibër. Ai u padit nga kryeministri Rama në një Gjykatë në Gjermani.
