Peshëngritësi Erkand Qerimaj, ka dalë në vendin e parë në kategorinë B të Lojërave Olimpike “TOKIO 2020”. Kjo është një arritje e madhe për sportin shqiptar. Peshëngritësi shqiptar garonte në kategorinë 81 kilogramë në stilin e shkëputjes dhe shtytjes, dhe e përmbylli rezultatin me 338 kilogramë në total në dygarësh.
Ai e filloi garën me 151 kilogramë, më pas me 155 kilogramë dhe në të fundit me 157 kilogramë. Teksa në stilin e shtytjes ngriti 181 kilogramë dhe provoi edhe me 185 dhe 187, por pa mundur t’i ngrinte dot.
Me anë të një reagimi në Facebook, ai thotë se ka garuar me shpirt luani, dhe se është i nderuar që ka realizuar një rezultat luanësh, për rezultat të denjë shqiponjash.
“Gara ime ne kategorine-81kg ne “Tokyo 2020” u permbyll me nje rezultat 338 kg ne total, duke shenuar vendin e pare ne Baterine B. Nje peshe me total 8 kg me të larte se rezultati i dhene ne stervitje. Shkeputja mori rezultatin me te mire nga une e shtytja gjithashtu ishte beteje ku dhashe gjithcka ne keto rrethana. Tani do te presim rezultatet e baterise A per te mesuar renditjen perfundimtare ne Lojerat Olimpike “Tokyo 2020”.
Faleminderit shume të gjitheve per perkrahjen dhe qe keni vene oren per zgjim ne 05:00 të mengjesit per Shqiperine. Nese ne kete gare kam garuar me shpirt luani, jam i nderuar të kemi realizuar nje rezultat luanesh per rezultat te denje lartesie shqiponjash”.
