Mbrëmjen e kaluar në autostradën Tiranë-Durrës janë gjobitur me heqje patente 14 drejtues mjetesh që ecnin me shpejtësi skëterrë, që varionin nga 145 km/h deri 174 km/h.
“Në rrugën inter-urbane Tiranë-Durrës. Për 4 orë, 14 Patenta të pezulluara. Vijon kontrolli me Radar nga Policia Rrugore për parandalimin e aksidenteve. Edhe pse Policia Rrugore ka shtuar kontrollet duke përdorur mjetet speciale Radar e Drager, edhe pse gjatë fundjavave janë ✍ shumë drejtues mjetesh për shpejtësi tej normave të lejuara përsëri ka drejtues mjetesh që rrugën e trajtojnë si pistë dhe makinën si ✈. 145 km/h deri 174 km/h, nxitim që rrezikon jetën. Destinacioni. Mos shpejtoni të dërgoni patentën në banesë, por ecni ngadalë që të shkoni ju bashkë me patentën se familja ju pret. #zbatorregullatudhetoisigurt”, thuhet në njoftimin e Policisë.
