Një grup “gangsterësh” të cilët merreshin me drogë janë dënuar gjithsej me 116 vjet burg, pasi policia shkatërroi rrjetin e tyre kur zbuloi një qese plot kokainë në një rrugë në Cardiff, shkruan Tirana Today. 
Zyrtarët në jug të Uellsit Essex, Thames Valley dhe Policia Metropolitane shkatërruan bandën e përbërë nga 10 persona, e organizuara nga shqiptarë dhe fitimet ishin të mëdha, raporton dailymail.co.uk. 
Policia gjeti rreth 450,000 funta para të gatshme, si dhe disa kilogramë kokainë, rroba të shtrenjta dhe bizhuteritë me vlerë rreth 100,000 sterlina.
Banda e “fshehte” drogën në sediljet e pasme të automjeteve e tyre dhe një sasi që arrinte vlerën 80,000 paund është gjetur vetëm në një makinë.
Policia ka bashkëpunuar dhe me autoritete shqiptare, ku nga hetimet e zbulua se shqiptari Bledar Mziu, ishte “koka” e grupit që mbytën rrugët e South Wales dhe në jug lindje të Anglisë me sasi masive të kokaine të një cilësie mjaft të pastër.
Zyrtarët e kishin ndjekur për disa muaj 31-vjeçarin shqiptar Mziu, i cili u zbulua se në shpërndarjen e drogës nuk ishte i vetëm, por kishte bashkëpunëtorë të tij po shqiptarë të cilët janë Hysen Lika, 24-vjeç, dhe Robert Xhepa,29-vjeç.
Banda përdorte taktika të “sofistikuara” anti-survejimi për të shmangur zbulimin. Ata u zbuluan pasi një çantë e cila kishte një qese me 1.5 kilogramë kokainë u gjet e braktisur në mes të rrugës në Cardif në gusht 2016, dhe kjo ishte një shtytje e mëtejshme që oficerët të zbuloni se pjese e grupit ishin dhe dy vëllezërit Ali Sheblan, 23-vjeç, dhe Hayder Sheblan, 25-vjeç.
Ndërsa, më tej policia bëri dhe zbulime të anëtarëve të tjerë të përfshirë.
Dënimi i anëtarëve të grupit gjykatën e kurorës së Cardiff, u dha nga gjyqtari Jeremy Jenkins ku dha dënimet si më poshtë:
Bledar Mzui, me qëndrim në Hornsey, Londër, është burgosur me 18 vjet.
Hysen Lika, me qëndrim ne Hertfordshire, u burgos me 12 vjet.
Robert Xhepa, me qëndrim në Tottenham, u burgos me 6 vjet.
Paul Wyatt, nga Adamsdown, në Cardiff, u burgos me 10 vjet.
Nicky Watson, nga Cardiff, mori një dënim me 14 vjet burg.
Kevin Patton, nga Cardiff, u burgos për 14 vjet.
Tamar Sheblan, gjithashtu nga Cardiff, u burgos me 16 vjet e dy muaj.
Ali Sheblan u burgos me 8 vjet burg.
Ndërsa Hayder Sheblan u burgos me 8 vjet.
Petar Govorusa, nga Bedford, u burgosur për një dekadë.
