“Game of Thrones” është nominuar me 32 çmime EMMY, duke vendosur rekord të ri botëror për sezonin e tetë dhe të fundit.
Saga gjakatare eklipsoi kështu serialin që mbante deri më sot rekordin me 27 nominime, “NYPD Blue”.
Më 15 shtator të këtij viti në Los Angeles do të mbahet edicioni i 71-të i ndarjes së “Çmimeve EMMY”. “Game of Thrones” është seriali më i nominuar këtë vit në “EMMY” me 32 nominime.
Ky serial është nominuar gjithashtu edhe në kategori të tjera si nga ana vizuale, ashtu dhe në kategori të tjera sa i përket realizimit të të gjitha episodeve të sezonit të tetë dhe final.