Sebastian Vettel triumfoi në Çmimin e Madh të Kanadasë në Formula , por kjo garë u mbyll me një incident të pazakontë. Incident jo i krijuar nga makinat në pistë, por nga supermodelja Winnie Harlow e valëviti flamurin e kontrollit para kohe. Një zyrtar i garës i ka dhënë instruksione bukuroshes për ta valëvitur flamurin në garën në xhiron e parafundit.
Megjithatë, gabimi nuk ndikoi në rezultatin e garës, sepse Sebastian Vettel e ruajti shpejtësinë, por i dërgoi mesazh ekipit të Ferrarit se ndërprerja kishte ndodhur para kohe. Pasi e siguroi fitoren e tretë të sezonit, gjermani ka pranuar se ishte i shqetësuar se gabimi do të kishte shkaktuar një situatë të rrezikshme për tifozët dhe pjesëtarët e sigurimit në pistë.
Harlow ishte mysafire e garës së Formula 1 dhe ajo është shoqja e pilotit të Mercedesit, Lewis Hamilton. Modelja e ka vënë në pah anën komike të kësaj ngjarjeje duke iu përgjigjur komenteve të shumta duke përfshirë edhe atë të pilotit të Renaultit, Nico Hulkenberg.
Sidoqoftë, më vonë u mësua se flamuri i ishte dhënë asaj në një moment të gabuar për shkak të keqkuptimit ndërmjet urës së fillim/mbarimit dhe kontrolluesve të garës. Nuk është hera e parë që një personalitet i famshëm bën një gafë të tillë, pasi legjenda braziliane, Pele, kishte dështuar ta valëvitë flamurin në momentin e duhur në vitin 2002.
