Të akuzuarit për vrasjen e Florenc Çapjas dhe Bledar Muçës, Shkëlzen Hasanpapaj i shtohet dënimi me 8 muaj burgim, për shkak të futjes ilegalisht të një celulari në qeli.
Dënimi shtesë është dhënë nga Gjykata Penale Tiranë për akuzën e futjes së telefonit celular dhe sendeve të ndaluara në qeli pranë paraburgimit “302” tek “Mine Peza”.
Karta SIM e përdorur nga Hasanpapaj rezultonte e regjistruar në emër të Jurgen Kurtit, gjeneralitet i cili është i njëjtë me atë të ish-menaxherit të VIP-ave, i cili u ekzekutua në mars të këtij viti pranë shtëpisë së tij.
Mirëpo, nuk dihet nëse Kurti kishte lidhje direkte me këtë kartë. Pasi, në regjistrat e burgut “302” rezulton që ai nuk ka kryer asnjë takim me Hasanpapajn.
