Ardjan Takaj, presidenti i klubit të “Skënderbeut” është përfshirë në një aksident automobilistik, fatmirësisht pa pasoja. Ngjarja ka ndodhur ditën e djeshme. Mësohet se ai ka qenë duke udhëtuar në drejtim të Durrësit me makinë e tij tip Benz, teksa është përfshirë në një aksident me 3 makina të tjera.
Sipas informacioneve, Takaj ka qenë i shoqëruar në makinë nga bashkëshortja e tij. Fatmirësisht, aksidenti ka qenë pa pasoja për asnjërën nga palët e përfshira. Mësohet se s’ka pasur asnjë të lënduar dhe se dëmtim kanë pësuar vetëm makinat e përfshira.
