Policia ka sekuestruar 38 kg Cannabis Sattiva dhe krehera me fishekë, pas një kontrolli në një banesë në Fushë-Krujë.
Gjithashtu, policia ka shpallur në kërkim shtetasin A.Xh., 42-vjeç, pronar të banesës, ku u gjet lënda narkotike.
Gjatë kontrollit të ushtruar në banesën e tij, u gjetën dhe sekuestruan në cilësinë e provave materiale:
- rreth 38 kg lëndë narkotike e dyshuar e llojit Cannabis Sattiva;
- 3 krehera me 41 fishekë, model 56, kalibër 7.62 mm.
Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale” Prodhimi dhe shitja e narkotikëve” dhe” Mbajtja pa leje e armëve luftarake dhe e municionit” parashikuar në nenet 283 dhe 278/4 të Kodit Penal.
