Këshilli i Ministrave ka miratuar një fond shtesë për financimin e fushatës elektorale, për partitë që marrin pjesë në zgjedhjet lokale.
Në programin “Mbështetje për partitë politike” shtohet fondi prej 65 000 000 (gjashtëdhjetë e pesë milionë) lekësh, i cili iu shpërndahet subjekteve zgjedhore pjesëmarrëse në këto zgjedhje, nga Komisioni Qendror i Zgjedhjeve.
Efektin financiar të këtij vendimi, sipas qeverisë, do ta përballojë fondi rezervë i buxhetit të shtetit i miratuar për vitin 2019. Mësohet se do të jetë ministria e Financave dhe Ekonomisë bashkë me Komisionin Qëndror të Zgjedhjeve të ngarkuarit për zbatimin e këtij vendimi, i cili ka hyrë në fuqi menjëherë dhe është botuar në “Fletoren zyrtare”.
