Që prej emërimit të Ben Blushit si drejtor në Top Channel, ka pasur një masë masive largimesh të drejtuesve me emër, por edhe spikerave dhe moderatorëve. Duket se furtuna e largimeve nuk ka të ndalur, e së shpejti nuk do të shohim katër personazhe mjaft të dashur për publikun shqiptar.
Bëhet fjalë për 4 spikerë lajmesh, që kanë vendosur të largohen.
Genta Popa ka vite në këtë television, e padikustim është kthyer në ikonën e Top Channel.
Po ashtu, edhe Juli Krisafi, e cila këtë vit prezantonte emisionin “Pasditja” në TCH, ka vendosur të largohet në një TV tjetër.
Ajo nuk e ka zyrtarizuar ende largimin, por raportohet se është thuajse e kryer.
Edhe Denisa Pasholli gjithashtu raportohet se ka vendosur të largohet.
I fundit është spikeri Arlind Isai, që ka qenë gazetar terreni, por prej dy vitesh jepte lajmet.
Prej Top Channel, dy vitet e fundit janë larguar dhjetra emra të rëndësishëm, largime që janë shtuar me ardhjen e Ben Blushit.
