Një ditë pas dorëheqjes si kreu i Autoritetit të Aviacionit Civil, Krislen Keri ka falenderuar kryeministrin dhe stafin e tij që për dy vite i dhanë mundësinë, siç thotë ai, për ta shndërruar AAC në një institucion të standardit të BE. Ish-kreu i Autoritetit të Aviacionit Civil, në një reagim në Facebook, ka sqaruar arsyet e largimit. Ai thumbon edhe kundërshtarët, duke theksuar se pa ta, ai nuk do të kërkonte më shumë përgjegjësi nga vetja.
“Të nderuar miq, ka qenë një privilegj për mua të drejtoj Autoritetin e Aviacionit Civil për 2 vite. Mirënjohje për besimin Kryeministrit dhe stafit të tij, ku përgjatë këtyre dy viteve më dhanë mundësinë për ta shndërruar AAC në një institucion të standardit të BE.
Ka qenë një eksperiencë ku janë çertifikuar kompani të reja por edhe rrefuzuar çertifikime kompanish kot e më kot, ku aeroporti jonë i vetëm për herë të parë filloi të operoi siç duhet dhe sipas ligjit, ku kompanitë ajrore kuptuan që shqiptarët nuk mund të lihen rrugëve në mënyrë të papërgjegjshme, ku për herë të parë u futën çmime biletash me kosto të ulët dhe ku për herë të parë vendi i punës së gjithësecilit kishte peshën specifike që jep ligji, autoritet!
Jam i bindur që kolegia Kraja do të bëj një punë të mirë në vijimin e ndjekjes së prioriteteve të qeverisë.
Ndërkohë bashkë dhe për aviacionin civil shqiptar shihemi tek Aviacioni.com, këtu në FB https://m.facebook.com/aviacioni.al/ ?
Ps. Falenderime për bashkëpuntorët dhe më shumë falenderime për kundërshtarët, pa ju s’do të isha ky që jam. Respekte”.
