Në sajë të operacionit të koduar “Basti”, policia e Beratit ka vënë në pranga tre persona, pasi posedonin lëndë narkotike. Bëhet fjalë për shtetasit Nikolin Çipi, 42 vjeç, Sokol Shehu, 48 vjeç, si dhe Eduart Mino, 40 vjeç, të tre banues në Berat.
Arrestimi u bë pasi gjatë kontrollit fizik që u ushtrua nga shërbimet e policisë këtyre shtetasve, të cilët ndodheshin në një lokal në lagjen “Donika Kastrioti”, në pronësi të shtetasit Nikolin Çipi, iu gjetën 8 doza (50 gramë) heroinë dhe 2 doza (6 gramë) kannabis, të cilën dyshohet se e shpërndanin në zona të ndryshme të qytetit.
Në cilësinë e provës materiale u sekuestruan:
-lënda narkotike
-1 televizor dhe 1 njësi qendrore
-50 euro dhe 45.000 lekë
-5 aparate celularë dhe 1 motor “Ymaha”.
Lidhur me këtë rast, materialet hetimore i kaluan Prokurorisë së Rrethit Gjyqësor Berat, për shtetasin Nikolin Çipi, për veprat penale “Prodhimi dhe shitja e lëndëve narkotike, kryer në bashkëpunim”, “Organizimi i lotarive të pa lejuara”, “Fshehja e të ardhurave” dhe “Mospagimi i taksave dhe tatimeve”. Ndërsa për shtetasit Sokol Shehu dhe Eduart Mino, për veprën penale “Prodhimi dhe shitja e lëndëve narkotike, kryer në bashkëpunim”.
