“Fundjavë Ndryshe” u është gjetur pranë një ndër familjeve në nevojë, asaj Dervishi, që banon në kushte të mjerueshme e në skamje në fshatin Lekaj të Lushnjes.
Një 7-vjeçare u kthye në protagoniste në kohë reale në media, pasi si shumë familje shqiptare, nuk kishte mundësi të shlyente detyrimet për energjinë e shpenzuar. Prerja e dritave i shoi shpresat për jetën, pasi e mitura është me astmë.
Për një ditë sikundër të tjerëve, vajzës i duhet aparatura e frymëmarrjes. Pas zhurmës që u krijua, OSHEE reagoi duke deklaruar se familjes i ishte prerë energjia më 20 gusht, dhe i ishte rikthyer 24 orë më pas.
https://tiranatoday.com/lushnje-i-presin-dritat-rikthehet-energjia-ne-banesen-e-vajzes-se-semure-me-astme/
Për një jetë normale, ajo ka nevojë të përdorë disa herë në ditë pompën elektrike, që e ndihmon në furnizimin me oksigjen.
Familja me katër anëtarë jeton mes vështirësive të mëdha, në banesën thuajse të rrënuar në Lekas të Lushnjes, dhe thonë se kurrë nuk kanë marrë asnjë ndihmë, pavarësisht varfërisë ekstreme që i ka shoqëruar gjatë gjithë jetës.
“Fundjavë Ndryshe” ishte një dorë e ngrohtë për këtë familje, e cila iu gjend pranë edhe me ushqime. Por kjo nuk mjafton. Tashmë ka marrë udhë një fushatë, për një shtëpi të re për familjen në fjalë, pasi nevojat ishin ekstreme. Po kështu, të gjithë bashkë po japin një dorë në lidhje me përkujdesjen shëndetësore të vajzës, nënës së sëmurë dhe djalit.
