Shqipëria do të presë Islandën më 10 shtator në kuadër të eliminatoreve për Kampionatin Europian të vitit 2020, sfidë e vlefshme për grupin H, ku Islanda mban vendin e tretë në grup me 9 pikë, ndjekur nga kuqezinjtë me 6 pikë pas 4 takimesh, Shqipëria do të ndeshet me Islandën pas takimit ndaj Francës, ndaj duhet patjetër një sukses për të mbajtur gjallë shpresat e tifozëve kuqezi për një tjetër aventurë evropiane pas asaj të vitit 2016-të.
Kështu, Federata Shqiptare e Futbollit ka publikuar së fundmi çmimet e biletave për këtë përballje, e cila do të zhvillohet në “Elbasan Arena”. Çmimi më ekonomik për tifozët është 5 mijë lekë të vjetra për qendrën e sektorëve pas porte (G2, C2). Më pas çmimet rriten me 10 mijë lek për skajet e sektorëve pas porte (G1, G3, C1, C3), 15 mijë lekë për skajet e tribunës karshi (F, D), 20 mijë për qendrën e tribunës karshi (E), për të kaluar në tribunën qendrore ku një biletë kushton 40 mijë lekë në vendin më të lirë deri në 120 mijë lekë në sektorin VIP.
