Komisioni teknik i shëndetësisë dhe qeveria, kanë refuzuar në mënyrë kategorike kërkesën për kthimin e tifozëve në 30 për qind të kapacitetit të stadiumit.
Kjo është argumentuar me faktin që gjendja e pandemisë së koronavirusit në vendin tonë është mjaft e rëndë, dhe nuk mund të rrezikohet me një manovër të tillë.
Me një shkresë zyrtare, qeveria shqiptare ka refuzuar kërkesën e federatës që në stadium në ndeshjet e Kombëtares dhe kampionatit, të kishte tifozë të paktën 30 për qind të kapacitetit të stadiumit.
Ndodhur në këto kushte, si Kombëtarja dhe klubet duhet të vazhdojnë të luajnë pa përkrahës në stadium.
