Të dielën pritet të zhvillohet finalja e Kupës së Shqipërisë ndërmjet Tiranës dhe Teutës. Ndeshja do të luhet në stadiumin e Air Albania dhe në këtë përballje, për herë të parë Federata Shqiptare e Futbollit do të pranojë që të lejohen tifozët e të dyja ekipeve.
Në njoftimin në fjalë thuhet se sportdashësit janë qershia mbi tortë, në një ndeshje futbolli. FSHF konform rregullave dhe distancimit, kërkon që të ketë një numër të kufizuar tifozësh.
“Të dielën, datë 2 gusht 2020 do të zhvillohet finalja e Kupës së Shqipërisë, midis Teutës dhe Tiranës, në stadiumin AirAlbania.
FSHF kërkon nga instancat shtetërore që të marrim shembullin e Francës, ku finalja e kupës u zhvillua me tifozë në tribunat pas porte.
Sportdashësit janë qershia mbi tortë në një ndeshje futbolli, e aq më tepër në një finale. Edhe FSHF konform rregullave dhe distancimit, kërkon që të ketë një numër të kufizuar tifozësh, nën shembullin e Francës”, thuhet në njoftimin e FSHF.
