Federata Shqiptare e Futbollit ka përgënjeshtruar lajmin në lidhje për mosregjistrimin e zgjedhjeve nga ana e Gjykatës së Tiranës. Sipas FSHF-së, nga ana e gjykatës janë kërkuar disa dokumente, të cilat do t’i vihen shumë shpejt në dispozicion.
Përmes një reagimi në faqen zyrtare, FSHF shkruan se nuk ka anjë vendim për refuzimin apo konstatimin e paligjshmërisë së zgjedhjeve të organeve drejtuese të federatës.
Ndër të tjera në reagim thuhet: “Ky vendim ka të bëjë vetëm me kthimin e kërkesës, për shkak të plotësimit të disa dokumentave shtesë që ka kërkuar gjykata. Pasi të plotësohet dokumentacioni i kërkuar FSHF do ti ridrejtohet gjykatës për depozitimin e dokumenteve që parashikon Ligji”
Njoftimi i FSHF
FSHF njofton opinionin publik se nga Gjykata e Tiranës nuk ka një vendim refuzimi apo konstatimi të paligjshmërisë së zgjedhjeve të fundit të organeve drejtuese të FSHF. Ky vendim ka të bëjë vetëm me kthimin e kërkesës, për shkak të plotësimit të disa dokumentave shtesë që ka kërkuar gjykata. Pasi të plotësohet dokumentacioni i kërkuar FSHF do ti ridrejtohet gjykatës për depozitimin e dokumenteve që parashikon Ligji.
Kjo praktikë në Gjykatë ka të bëjë vetëm me rregjistrimin e akteve. Legjislacioni në fuqi kërkon që këto akte të rregjistrohen në Gjykatën e Tiranës, dhe nga ana e saj, gjyqtarja e çështjes ka kërkuar vetëm disa plotësime në dokumentacionin e kërkuar, të cilat shumë shpejt do ti vihen në dispozicion.
