Pas përhapjes së virusit vdekjeprurës, një shqetësim që shfaqet nga ana e konsumatorëve lidhet me blerjet online. A ekziston mundësia për transmetimin e virusit përmes pakove? Shefja e Infektivit në QSUT, Najada Çomo, ka qetësuar qytetarët duke thënë se nuk ekziston mundësia e përhapjes së virusit. Ajo i mëshon fort faktit se deri më tani, në vendin tonë nuk kemi burim infeksioni për virusin kinez.
“Në Shqipëri nuk kemi burim infeksioni për virusin kinez. E dyta, veç burimit të infeksionit, nëse ne mbërrijmë te porositë online, është luks i madh por që kërkon një përgjigje reale. Transporti nga ai vend derisa të mbërrijë në Shqipëri, kalon kohë e gjatë dhe virusi nuk është aq jetë gjatë për të jetuar në mjetet e ambalazhuara. Dhe në këtë mënyrë, nuk ekziston mundësia e përhapjes së virusit.
Kina transporton në të gjithë botën, dhe ne jemi vendi fundor që marrim nga Kina. Dhe nëse do të kishte ndodhur, instancat në të gjithë botën do të kishin marrë masa drastike për të mos lejuar eksportin e pakove që andej. Unë po them një gjë shumë të rëndësishme, ne nuk kemi burim infeksioni te ushqimi dhe uji që janë burime kryesore. Shqipëria është vend me risk shumë të ulët, ne sot kemi zero raste”, tha ajo në “Repolitix”.
