“Frikë nga Messi? Jo, ai nuk është Cristiano Ronaldo”

Na ndajnë dhe tre ditë nga starti i Botërorit që do të zhvillohet në Rusi dhe shumica e skuadrave kanë mbërritur në hotelet ku do të akomodohen. Argjentina dhe Islanda janë në të njëjtin grup dhe do të përballen mes tyre në ndeshjen e parë. Islanda ishte surpriza e Euro 2016 dhe kanë një grup lojtarësh me të vërtetë të fortë të cilët pritet të kenë sukses edhe në Botëror.Gjithsesi, ndeshja e parë do të jetë tepër e fortë për europianët pasi përballë do të kenë Argjentinën e Lionel Messi-t. Një fakt që mesa duket, nuk e shqetëson aspak kapitenin e ekipit, Aron Gunnarsson. Ai është shprehur me vetëbesim për forcat e ekipit të tij, duke thumbuar edhe homologun e tij tek Argjentina. “Ata kanë madhështi individuale, ne kemi një skuadër… Messi? Ai nuk më tremb, ai nuk është Cristiano Ronaldo.”