“Orkestrim mafioz për të krijuar fokuse artificiale në dëm të integritetit të presidentit Ilir Meta”, kështu i është përgjigjur drejtori i komunikimit në Presidencë, Emiljano Aleksi publikimit të raportit të Freedom House për Shqipërinë dhe konkretisht për pjesën ku thuhej se Meta shihej si simbol i korrupsionit.
Përmes një postimi në rrjetin social “Facebook”, Aleksi thotë se raporti është i bazuar në doza kolumbiane. Ai thekson se me neveri i hedh poshtë këto provokime të orkestruara në mënyrë mafioze e ordinere.
“Dozat kolumbiane mbi të cilat bazohej raporti i “Albanian Freedom House”, jo rastësisht u shoqëruan sot me shkrime nga portale të oligarkisë.
Asgjë e rastësishme por një orkestrim mafioz për të krijuar fokuse artificiale në dëm të integritetit të Institucionit të Presidentit të Republikës.
Me neveri i hedhim poshtë këto provokime të orkestruara në mënyrë mafioze e ordinere, nga portale që përdoren në përpjesëtim të drejtë me koncesionet, në kurriz të qytetarëve shqiptarë”, shkruan Aleksi.
