Trupat e ngrirë të dy foshnjave u gjetën në një frigorifer të enjten, në qytetin Bédoin, “në shtëpinë e një gruaje” ende në paraburgim nga policia, tha prokurorja publike e Carpentras, Helene Mourges. “Dosja fillon dhe faktet janë të karakterit kriminal”, tha magjistrati, duke sqaruar se zbulimi u bë në mëngjes.
Një nënë në paraburgim
Gruaja e arrestuar, një nënë 41-vjeçare me banim në këtë qytet rrëzë Mont Ventoux, ndodhet në paraburgim nga policia që prej orës 11:00. Në këtë fazë të hetimit është e pamundur të përcaktohet mosha apo gjinia e foshnjave të gjetura të ngrira, si dhe lidhjet e tyre të mundshme mes tyre apo me gruan e arrestuar nga policia.
“Është e vështirë në këtë fazë të japësh detaje”, këmbënguli Helene Mourges, duke shtuar se “janë marrë mostra” për të mësuar më shumë rreth dy fëmijëve.
“Autopsia do të na tregojë më shumë”, shtoi prokurori, duke saktësuar se ajo mund të bëhet vetëm brenda “një kohe të caktuar”, “sepse janë marrë të gjitha masat për të ruajtur të gjitha provat shkencore”.
Burimi i lajmit: lefigaro. Përshtatur nga Tirana Today
