Organizata për Bashkëpunim Ekonomik dhe Zhvillim (OECD) deklaroi se qeveritë duhet të punojnë më fort, në favor të tranzicionit ekologjik
“Të paktën 312 miliardë dollarë janë shpenzuar në masa stimuluese “të gjelbërta”, një shifër e cila, edhe pse e rëndësishme, duhet të krahasohet me mbështetjen totale buxhetore që arrin rreth nëntë trilionë dollarë, për luftën kundër ndikimit të pandemisë”, vuri në dukje Angel Gurria, sekretari i përgjithshëm i OECD-së, në një analizë paraprake.
30 vende anëtare të OECD-së kanë përfshirë në planet e tyre të rimëkëmbjes masa të drejtpërdrejta në drejtim të tranzicionit ekologjik, ndërsa 24 qeveri kanë njoftuar masa të cilat duhet të kenë një ndikim negativ direkt ose indirekt nga pikëpamja klimatike, të tilla si relaksimi i rregulloreve për ndotjen e ujit ose ajrit, hua pa homolog për industritë që emetojnë shumë ose edhe subvencione për infrastrukturat që konsumojnë shumë lëndë djegëse fosile.
