Francë, Mbappe kthen Parisin në vendin e parë dhe thyen një rekord golash

Kylian Mbappe u bë lojtari më i ri që shënon 100 gola në Ligue 1 teksa ndihmoi me dopietën e tij Paris Saint Germain-in në fitoren 4-2 në Lion, fitore që i kthen parizienët në krye të tabelës në Francë.

Sulmuesi 22-vjeçar shënoi në të dyja pjesët me Angel Di Marian dhe Danilo Pereirën që shënuan gjithashtu emrin në rezymenë e takimit.

Humbja e lë Lionin, i cili shënoi dy gola me Islam Slimanin dhe Maxëel Cornet, të tretin me 60 pikë, një përpara Monakos së vendit të katërt.

Por kampionët francezë, të cilët i uruan dhe mirëseardhjen Neymarit pas një pushimi gjashtë-javor prej dëmtimit, kaluan Lilën në renditje me diferencë golash pasi këta të fundit pësuan një humbje në shtëpi me rezultatin 2-1 ndaj Nimes modeste.