Një person që ishte i pajisur me thikë është qëlluar nga policia e transportit në Paris, pasi thirri “Allahu Akbar,” në një stacion treni.
Burri thuhet se është plagosur rëndë, pasi me thikë kërcënonte në stacionin Saint-Lazare, një nga stacionet më të ngarkuara në kryeqytetin francez. Kjo ngjarje ka ndodhur pasi ai është ndalur për mosmbajtjen e maskës, ku dhe ka refuzuar.
Ai më pas nxori thikën e tij dhe iu drejtua agjentëve duke bërtitur “Allahu Akber”.
Sipas “Le Parisien”, vrasësi me thikë ra në shina dhe u dërgua me urgjencë në spital ku ndodhet në një gjendje të rëndë për jetën.
Kompania shtetërore franceze e hekurudhave SNCF tha në një deklaratë: “Dy agjentët përdorën armën e tyre të shërbimit, për ta mbrojtur dhe neutralizuar atë”.
Sipas dokumenteve të identitetit të gjetura në trupin e tij, burri ka lindur në vitin 1974 dhe ka qenë i njohur për policinë për kërcënime dhe dhunë të mëparshme, por nuk ishte i njohur për shërbimet e inteligjencës.
Tashmë është hapur një hetim për “tentativë vrasje” të dikujt në një vend publik, “terrorizëm” dhe “dhunë me armë”.
Burimi i lajmit: dailymail. Përshtatur nga Tirana Today
