Autoritetet franceze kanë nisur largimin e një kampi me refugjatë në veri të Parisit, pasi qeveria shpalli planin e saj të ri shtrëngues në politikat e emigracionit.
Rreth 1500 emigrantë, përfshirë qindra që po përpiqeshin të shkonin në Britani, janë larguar nga një kamp në Paris. Ndërsa 600 oficerë policie shoqëruan emigrantët për t’i çuar ata në qendrat e pritjes në zonën e Parisit.
Sipas mediave të huaja, kampi ishte ilegal dhe për këtë shkak autoritetet ndërhynë në orët e para të ditës së sotme për pastrimin e kampit nga refugjatët.
Zyrtari i lartë i policisë së kryeqytetit francez, Lallement tha për gazetarët se këto kampe ilegale nuk do të lejohen më në asnjë hapësirë publike të Parisit.
