Si pasojë e koronavirusit, 833 persona kanë ndërruar jetë në Francë brenda 24 orëve.
Kjo është shifra më e lartë e raportuar në 24 orë që prej shpërthimit të sëmundjes në këtë shtet.
Në Francë numri total i të vdekurve nga COVID-19 ka shkuar në 8,911.
“Ende nuk e kemi arritur fundin e epidemisë”, ka deklaruar Ministri i Shëndetësisë, Oliver Veran.
Vlen të theksohet fakti se aktualisht Shtetet e Bashkuara janë kthyer në epiqendër të përhapjes së koronavirusit, pasi është raportuar për 338,995 persona të infektuar dhe 9,683 të vdekur.
Ndërkohë Spanja është vendi i dytë i prekur më shumë nga COVID-19, pasi në këtë shtet është raportuar për 135,032 persona të infektuar dhe 13,169 viktima.
