Franca dhe Holanda kundër hapjes së negociatave, Danimarka ‘ndryshon’ qëndrim. Ditën e sotme është zhvilluar mbledhja e ambasadorëve në BE, ku është diskutuar në lidhje me çeljen e negociatave për Shqipërinë dhe Maqedoninë.
Në një lidhje të drejtpërdrejtë për FaxNews gazetarja Erisa Zykaj, ka komentuar qëndrimin e Bashkimit Evropian në lidhje me këtë çështje.
Në fjalën e saj Zykaj tha se presidenti Emmanuel Marcon, është shprehur kundër hapjes së negociatave. Franca është kundër zgjerimit, pasi duhen të bëhen reforma të brendshme në qeveri.
Sipas gazetares, Franca kërkon një punë konkrete në reformën në drejtësi dhe në çdo element të shtetit ligjor.
Ndërkohë ambasadori holandez ka shprehur që Holanda ka të qartë, ka një qëndrim skeptikë, nëse janë përmbushur vërtetë ato që janë kërkuar.
Për të ndodhur hapja e negociatave duhet uninamitet i 28 vendeve anëtare të BE-së.
Gazetarja tha se vetëm Danimarka ka bërë një hap pas, që ndoshta Shqipëria dhe Maqedonia mund ta meritojnë çeljen negociatave.
Një ndër elementet që është përgëzuar dhe përshëndetur nga ambasadorët është arritja mes Greqisë dhe Maqedonisë për çështjen e emrit.
Në fjalën e saj ajo tha se në datën 26 qershor do të jepet vendimi për Shqipërinë dhe Maqedoni.
Zykja tha se duhet të presim raportin e Komisionit Evropian për hapjen e negociatave, nëse në datën 26 do të ketë ndryshim të teksit.
“Vendet skeptike si Franca, Gjermania, Holanda, nuk e kanë fshehur qëndrimin e tyre , pasi nuk janë parë ende frytet e reformës në drejtësi, krimi i organizuar nuk është luftuar siç duhet, ose arrestimi i figurave të larta ‘peshqit e mëdhenjtë’, nuk ka ndodhur. E njëjta gjë është edhe për Maqedoninë”, tha ajo.
