Edi Paloka është shprehur publikisht kundër krijimit të fraksioneve në PD.
Përmes një postimi në Facebook, Paloka shkruan se është fatkeqësi kur dikush e merr dorën e shtrirë për bashkëpunim si dobësi, ndërsa është treguar i ashpër në mbyllje të postimit, ku shton se është fatkeqësi për ata që nuk kuptojnë se sa të pavlerë mbeten.
“Kur dikush dorën e shtrirë për bashkëpunim e merr si dobësi, është fatkeqësi, por fatkeqësi për ata vetë që nuk kuptojnë se sa të pavlerë mbeten”, shkruan Paloka.
Patozi ishte i pari që hodhi idenë e krijimit të fraksioneve brenda Partisë Demokratike, i cili po ashtu gjeti mbështetjen edhe të grupit që kërkon largimin e Bashës nga drejtimi i PD.
Pas mbledhjes së kryesisë, Lulzim Basha deklaroi se për sa kohë të jetë ai në krye të PD, nuk do ketë fraksione si dhe i shtriu dorën e bashkëpunimit kritikëve për t’u bërë kundër aleanca së krimit.
