Këngëtarja Era Istrefi është dekoruar sot nga presidenti i Kosovës, Hashim Thaçi. Ajo është dekoruar me Medaljen Presidenciale Jubilare e Dhjetëvjetorit të Pavarësisë së Kosovës. Lajmin e ka përcjellë Thaçi, përmes një statusi në Facebook.
“Në çdo vend të botës është dëgjuar zëri i artistes sonë, Era Istrefi. Rrënjët e suksesit të saj global janë në Kosovë, të cilën e prezantoi denjësisht edhe në Kampionatin Botëror të Futbollit në Rusi.
Ajo po e përfaqëson identitetin e Kosovës në botë. Për kontributin e saj në promovimin e Kosovës, sot e dekorova me Medaljen Jubilare të Dhjetëvjetorit të Pavarësisë”.
https://tiranatoday.com/digjet-moskaera-istrefi-shkelqen-ne-finalen-e-boterorit-video/
Era i emocionoi të gjithë të pranishmit në “Luzhniki” dhe jo vetëm, teksa interpretoi këngën zyrtare të Botërorit “Live It Up”.
