Policia ka sekuestruan pasuritë e grupit Habilaj, në qytetin e Vlorës. Mësohet se nga aksioni është bërë i munduar sekuestrimi i disa njësive shërbimit dhe disa apartamente. Në Vlorë janë sekuestruar apartamente në emër të Artan Habilajt. Sekuestrimi ka ardhur me vendim të gjykatës së Vlorës.
Njoftimi i plotë
Vlorë
Sekuestrohet Pasuri, njësi shërbimi dhe apartamente banimi me sipërfaqe të ndryshme në Vlorë!
Sekuestrimi i pasurive si rezultat i bashkëpunimit midis DVP.Vlorë, Drejtorisë së Përgjithshme të P.P.Parave dhe Prokurorisë Vlorë !
Prej Specialistëve të Seksionit të Hetimit të Krimit Ekonomik e Financiar në DVP.Vlorë, në vijim të informacionit, lidhur me procedimin penal në ngarkim të shtetasve, A.H. M.H. dhe F.H., si persona të dyshuar për kryerjen e veprës penale ”Pastrimi i produkteve të veprës penale ose veprimtarisë kriminale”, është bërë ekzekutimi i Vendimit Penal Nr. 379 datë 30.10.2017 të Gjykatës së Rrethit Gjyqësor Vlorë, e cila ka vendosur caktimin e masës së sigurimit pasuror “Sekuestro- preventive” mbi pasuritë e mëposhtme :
Njësi Shërbimi me sipërfaqe 157 m2, ndodhur ne lagjen ”28 Nëntori”, Vlorë, në pronësi të shoqërisë Turi&Mzb shpk dhe F.H..
Njësi shërbimi me sipërfaqe 136 m2, në lagjen ”29 Nëntori”, Vlorë, në pronësi të shtetasit F.H..
Apartament banimi në Vlorë, në pronësi të shtetasit A.H.
Apartament banimi me sipërfaqe 69 m2 , në lagjen ”Uji i Ftohtë”, në pronësi të K.H..
Apartament banimi me sipërfaqe 104.5 m2 në Vlorë, në pronësi të shtetasit F.M.
Njësi shërbimi dhe banimi, me sipërfaqe 156 m2, në Vlorë, në pronësi te shtetasit A.H.
Vijon puna për evidentimin dhe sekuestrimin e pasurive të tjera që kanë buruar nga aktiviteti kriminal.
Materialet iu referuan Prokurorisë së Rrethit Gjyqësor Vlorë për veprën penale ”Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal.
