Duket se përplasje të ashpra po ndodhin në radhë të drejtueseve të LSI-së. Bëhet fjalë për qëndrimet e fundit të deputetit të Lëvizjes Socialiste për Integrim, Robert Bitri. Ky i fundit duket se është një hap larg përjashtimit ose largimit me vullnet të lirë nga kjo forcë politike.
Për të dytën herë radhazi ai kundërshton qëndrimin politik të kësaj force politike. Dy javë më parë ai doli kundër mosbindjes civile, që ishte një vendim i kryetarit të PD-së, Lulzim Basha dhe asaj të LSI-së, Monika Kryemadhi.
Ndërsa sot, ndryshe nga opozita e cila vendosi në bllok të braktisë seancën e kuvendit pasi folën Fatmir Mediu, Monika Kryemadhi dhe Lulzim Basha, deputeti Bitri ka vendosur të qëndrojë në sallë.
“Sepse duhej të qëndrohej sot si ditën e integrimit. Nuk do i bashkohem PS-së. Sepse kështu e mendoj unë. Është ideja ime. Nuk i tremben asnjë vendimi që mund të merret për mua”, tha Bitri për media.
TIRANA TODAY
