Babai shqiptar ka pranuar para gjykatës se ka përdhunuar të bijën e mitur dhe me aftësi të kufizuara.
Ngjarja e rëndë ka ndodhur në një prej qyteteve të Greqisë, ku siç raportojnë mediat fqinje, burri ka abuzuar disa herë me të bijën, duke e lënë atë shtatzënë.
Veçse ka pranuar autorësinë e kësaj ngjarjeje të rëndë, shqiptari është shprehur se nuk e ka dhunuar 16-vjeçaren dhe se gjithçka ka ndodhur gjatë kohës që ai ka qenë në gjendje të dehur.
Duke qenë nën efektin e alkoolit, burri tregon se nuk mban mend me detaje çfarë ndodhte mes tij dhe të bijës.
E mitura, e cila nuk ishte në gjendje të vetëmbrohej apo të tregonte për abuzimin seksual, është zbuluar nga mjekët në muajin e katërt të shtatzënisë, pasi ka shkuar për një vizitë mjekësore.
Ajo ka dështuar fëmijën dhe kanë qenë testet e ADN-së ato që kanë treguar se përdhunuesi ishte i ati.
