Odise Roshi do të jetë një nga mungesat e mëdha në kombëtaren shqiptare në ndeshjet e vlefshme të Ligës së Kombeve të cilat do të zhvillohen vetëm pas pak ditësh. Fieraku pak javë më parë ka marrë një dëmtim të rëndë në gjurin e djathtë që e ka detyruar ti nënshtrohet një ndërhyrje kirurgjikale. Pritet që Roshi të qëndroj larg fushave për 6 muaj.
Sulmuesi anësor i kombëtares shqiptare ka ndarë lajmin e mirë të përfundimit me sukses me të gjithë ndjekësit e tij në Instagram përmes një “story” ku shkruan: “Operacioni doli me sukses. Faleminderit të gjithëve për mesazhet inkurajuese.” Kujtojmë se Roshi do të jetë një nga mungesat e mëdha të skuadrës në Ligën e Kombeve së bashku me Armando Sadikun i cili është po ashtu i dëmtuar.
