Në Toulouse të Francës shumë nxënës janë të pastrehë, ku ditën shkojnë në shkollë e natën duhet të flenë në rrugë. Por ka edhe nga ata fëmijë të cilët nuk kanë mundësi të ndjekin shkollë, për shkak të kushteve të vështira ekonomike. 
Ky është edhe rasti i vogëlushes shqiptare të quajtur Xhesika e cila qëndron bashkë më familjen rrugëve të Francës. Ajo nuk ka mundësi të shkojë në shkollë. Por, nga ana tjetër janë të paktën 125 fëmijë që shkojnë në shkollë gjatë ditës dhe flenë jashtë gjatë natës në Toulouse.
Situata në Francë paraqitet shumë e rëndë dhe anëtarët e shoqatave CIPF dhe DAL janë ngritur në protestë për të njoftuar autoritetet për gjendjen e nëntë fëmijëve. Prindërve të këtyre fëmijëve u është refuzuar kërkesa për azil në Francë, e në mesin e tyre është edhe familja e Xhesikës.
“Situata është shumë e keqe. Fëmijët nuk kanë mundësi të ndjekin shkollën. Kjo është në kundërshtim me të drejtën ndërkombëtare. Midis tyre është edhe 11-vjeçarja shqiptare, Xhesika”, thuhet në reagimin e shoqatave, raporton media franceze centpourcent.com.
Më 10 prill, vogëlushja dhe familja e saj kanë shkuar në Francë. Vogëlushja shqiptare është e vetmja në familje që mund të flasë anglisht. Banorët e zonës e njohin atë pasi ajo dhe familja e saj jetojnë përpara një banke, në rrugë. Xhesikës i pëlqejnë ngjyrat dhe dëshiron të bëhet artiste. Për të humbur paska mëndje ajo luan me kukullën e saj dhe del shëtitje me biçikletë. Vajza nuk dëshiron të kthehet në Shqipëri, pasi nga atje ka vetëm kujtime të këqija. 11-vjecarja nuk shkon në shkollë. Familja e saj do të ketë një takim më 25 shtator në zonën e pritjes së fëmijëve të sapoardhur në Allophone.
