Një grup studentësh janë bërë bashkë dhe po marshojnë sot në kryeqytet, pas vdekjes së 21-vjeçares nga Fieri, Ariela Murataj, e cila u qëllua për vdekje nga 23-vjeçari Aldison Belulaj për shkak të një dashurie të mohuar.
Shoqëria e saj bashkë me studentë Fakultetit të Drejtësisë kanë marshuar ditën e sotme në kryeqytet.
Ata kanë shkuar pranë vendit të ngjarjes ku kanë vendosur kurora me lule, një foto të saj si dhe kanë ndezur qirinj. Ndërsa në një prononcim për media, pedagogia e Arielës është shprehur se: “Të gjitha ata që janë thënë në media për Arielën qëndrojnë. Ajo ishte një studente e shkëlqyer. Ne nuk marshojmë vetëm për jetën e Arielën. Ne jemi këtu në shenjë dhe respekt të prindërve të saj që sakrifikuan për të.
Ne jemi këtu për t’i thënë drejtësisë vepro! Ata dua të jetojnë, kanë prindër që duan të jetojnë me të. Ne të gjithë bashkë duhet të luftojmë kundër makabritetit. Unë kam pasur rastin ta njoh personalisht. Unë e kam qene dhe pedagogia udhëheqëse e temës së diplomës së Baichelor, të cilën ajo nuk arriti që ta mbronte”.
Gjatë ditës së djeshme studentët e Drejtësisë pezulluan mësimin dhe shkuan në shtëpinë e Arielës për t’i dhënë lamtumirën e fundit, ku ajo u përcoll në banesën e fundit e veshur me të bardha.
