Një shqiptar ka rënë në pranga të policisë italiane. Ai është identifikuar si shtetasi me inicialet D.X., 33-vjeçar, i papunë por që të gjithë e thërrisnin me emrin Tani. Zbardhja e bisedave në Whats App bënë që shqiptari të përfundonte në pranga.
Policia në stacionin Fano, prej ditësh po vëzhgonte lëvizjet e tij, kishin vënë nën monitorim shtëpinë ku ai qëndronte si dhe e ndiqte atë gjatë natës. Ai shpesh ecte në kënbë por për të udhëtuar dhe për të takuar klientët e tij të cilëve u shiste drogë përdorte edhe biçikletë. Ai kishte klientë të të gjitha moshave.
Natën e kaluar, pas një mbikëqyrje, Tani ishte parë duke e lënë shtëpinë dhe i ishte ofruar një makine që drejtohej nga një 38-vjeçare nga Fano. Sapo tregtari kishte arritur tek dritarja e makinës së klientes policia ishte hedhur në sulm, dhe e kishin kapur me 0.8 gram drogë të paketuar. Gruaja menjëherë pranoi se ajo ishte një kliente e rregullt e Tanit; dhe ajo nuk kishte si të thoshte të kundërtën pasi të dhënat telefonike dhe bisedat në WhatsApp e kishin nxjerrë zbuluar.
Më pas policia bëri një kontroll të imtësishëm në shtëpinë e Tanit, dhe kishte gjetur tri doza kokainë gati për trafikimin dhe një tjetër zarf që përmbante kokainë.
Tani u mbajt në dhomat sigurisë, ku më pas u gjykua nga gjyqtari i Gjykatës së Pesaro, i cili tha se ai do të vuante një dënim prej tetë muajsh burg, por u la i lirë pasi nuk u konsiderua i rrezikshëm.
Burimi: fanoinforma.it
Përshtati: Tirana Today
