Kroacia nuk arriti të shpallet kampione botë në Botërorin e Rusisë, pasi u mposht nga Franca në finale me rezultatin 4-2. Të shumtë ishin tifozët kro9atë të cilët ndoqën nga afër këtë udhëtim fantastik të kombëtares së tyre në këtë Kupë Bote.
Ajo që ra më shumë në sy ishte Ivana Knoll, tifozja më e popullarizuar kroate e cila nuk ka ka munguar as në finalen e Moskës. Prezenca e bukuroshes në tribunat e Luzhniki Stadium ka tërhequr menjëherë vëmendjen e fotografëve, të cilët i kanë publikuar disa fotografi të saj.
Ivana u bë e popullarizuar për fansat e futbollit që në fillim të Kampionatit Botëror. Bukuroshja kroate mori vëmendjen e fotografëve gjatë ndeshjes ndërmjet Kroacisë dhe Nigerisë në Kaliningrad.
Që atëherë, ajo ka qenë vazhdimisht në faqet rozë, ndërsa në rrjetet sociale ka publikuar imazhe të shumta në mbështetje të kombëtares së saj. Ndërsa para ndeshjes ndërmjet Kroacisë dhe Rusisë, Ivana kishte pozuar së bashku me presidenten kroate, Kolinda Grabar-Kitarovic.
26-vjeçarja është shndërruar në një sensacion mediatik, por edhe në anën rozë të mediave në turneun më të madh ndërkombëtar. Ivana, e cila në vitin 2016 ka konkurruar për ‘Miss Kroacia’, ka lindur në Gjermani, ndërsa nga mosha tetëvjeçare ka jetuar në Hercegovinë.
